Ka Sandamtu, lung’sietnaa mîn tlantu,

Ka ta di’n vânin ropui an rêl maw!

Ka zalênna, ka thiemchangna, ka felna,

A hmangaina ka’n nghatna, thlamuongna.

Chel zing ka tih, ka beiseina hring Krista

Hringnun chel ding thei dang an um nawh;

A’n thûkin a mak ngei, sak ka tih: A thra ie!

Keimaa hring Krista zârin.

Zân inthima ka kuoma um zing vêngtu

Ka Sandamtu’n mi thlathlam ngai naw nih;

Fe pei ka tih, harsatna, thlêmna kârah

Chauna hmunah A hrâtna a’n lang hlak.

Chel zing ka tih, Berâmpu thra ka himna

Mi thruoi a tih thina ruom a khawm;

Thimna hmuna êntu’n mi thruoin, ka ngam tah!

Keimaa hring Krista zârin.

Ka zalên tah, A zangaina ka chang tah

Ka hriet chieng tah, chatuon hringna ka nei;

Ka damna di’n ka Lal Krista a lo tuor

Thlân chu hnein keitho A lo ni tah.

Chel zing ka tih, ka suolna hnetu Krista

Hmêlma chun mi hêk thei ta naw nih;

A’n tan tah khaidiet chu, sak ka tih: ka zalên tah!

Keimaa hring Krista zârin.

Ka hringnain zui pei ka tih ka Lalpa

Mi thruoi a tih, vânin ka tlung chenin;

Chun nitinin Ama-ah siemthar peiin

Hlimin Lal hma-ah ka ngîr hun chenin.

Chel zing ka tih, ka beiseina hring Krista

Ropuina po po leh chatuonin;

Damlai ni tlâk hun chenin sak nawn pei ka tih:

Keimaa hring Krista zârin!

Chel zing ka tih, ka beiseina hring Krista

Ropuina po po leh chatuonin;

Damlai ni tlâk hun chenin sak nawn pei ka tih:

Keimaa hring Krista zârin!

Damlai ni tlâk hun chenin sak nawn pei ka tih:

Keimaa hring Krista zârin!

Keimaa hring Krista zârin!

Keimaa hring Krista zârin!