དུས་ཚོད་རིང་པོ་མི་འདུག

时间不长

ཚིག  ནོར་ལྷ

作词：罗拉

དབྱངས། མཐོ་སྒང་དགའ་བ།

作曲：高原嘎瓦

གཞས་པ། སྤྱང་སྐལ་བཟང་བསྟན་རྒྱལ། མཐོ་སྒང་དགའ་བ།

歌手：江嘎松邓加&高原嘎瓦

སྒུག་དགོས་པའི་ཁོམ་ལོང་མི་འདུག

ཉི་མ་རི་རྩེ་ནས་བུད་སོང་།

སྒུག་དགོས་པའི་ཁོམ་ལོང་མི་འདུག

རྟ་ཕོ་རི་ཁ་ལ་ཤོར་སོང་།

ང་གཞོན་ཆུང་མི་ཡི་སེམས་པ་ལ།

སྤྲིན་ན་བུན་འདྲ་ལེ་སྡུག་ཅིག་འཁོར།

ཐང་ཆད་ཀློང་གི་མི་རིགས་ཚོ།

སེམས་སྡུག་ནང་གི་མི་རིགས་ཚོ།

~

 དུས་ཚོད་རིང་པོ་མི་འདུག

ཁོམ་ལོང་ཆེན་པོ་མི་འདུག

དེ་རིང་གིས་ང་ཚོ་མི་སྒུག

སང་ཉིན་གྱིས་ང་ཚོ་མི་སྒུག

སྤྲིན་སྨུག་པའི་གསེབ་ན་ལུག་ཁྱུ་ཞིག

རླུང་བསེར་བུའི་ཁྲོད་ན་རྟ་ཁྱུ་ཞིག

རྨོངས་འཐོམ་པའི་དབུས་ན་མི་སེར་ཞིག

ང་ཡི་ན་ཆུང་ཚོ་མི་སེར་དེ་ང་ཚོ་ཨེ་རེད།

~

འདུག་དགོས་པའི་ཁོམ་ལོང་མི་འདུག

འདུག་རོགས་གྲོགས་པོ་ཡང་བུད་སོང་།

འདུག་དགོས་པའི་ཁོམ་ལོང་མི་འདུག

བྱམས་པ་ལ་རྒྱབ་ལ་ཤོར་སོང་།

ང་འཁོས་ཆུང་མི་ཡི་སེམས་པ་ལ།

རླུང་བསིལ་བསིལ་འདྲ་ལེ་སྡུག་ཅིག་འཁོར།

ན་ཟུག་ཀློང་གི་ན་ཆུང་ཚོ།

མིག་ཆུ་ནང་གི་ན་ཆུང་ཚོ།

~

དུས་ཚོད་རིང་པོ་མི་འདུག

ཁོམ་ལོང་ཆེན་པོ་མི་འདུག

དེ་རིང་གིས་ང་ཚོ་མི་སྒུག

སང་ཉིན་གྱིས་ང་ཚོ་མི་སྒུག

སྤྲིན་སྨུག་པའི་གསེབ་ན་ལུག་ཁྱུ་ཞིག

རླུང་བསེར་བུའི་ཁྲོད་ན་རྟ་ཁྱུ་ཞིག

ངོ་སྨད་ས་ཞིག་ན་མི་སེར་ཞིག

ང་ཡི་ན་ཆུང་ཚོ་མི་སེར་དེ་ང་ཚོ་ཨེ་རེད།