Bu həyatda qəfil gələn

Bir sevgidir bir də ölüm

Belə qismət olmaz olsun

Sevənlərə verir zülüm

Tanrı yazır mələklərə

Deyir onlar tez qovuşsun

Duyur fələk tez ayırır

İsdəyir ki, həsrət olsun

Varsa günahım, baxma gözümə

Qaytar ürəyi, qaytar özümə

Var ümidim anlayar o

Mən deyiləm əhdə dönük

Öz-özünü danlayar o

Bilməsə də səhvi böyük

Mən nə dedim yandı canım?

Bəlkə də ən doğrusudur

Söyləyirəm bilsin hamı!

O ürəyimin oğrusudur

Həyatımın sevgisidir

Canım qədər sevdim onu

Tutaydı kaş əllərimdən

Bu həsrətin gəlsin sonu

Qışım donub, yazım solub

Keçmir inan bu fəsillər

Anlayarsan bəlkə bir gün

Qiymətimi keçsə illər